12:29, 18 Ақпан 2013 | GMT +5
Үкімет басшысы «ЭКСПО» мәселесі бойынша мемлекеттік комиссияның отырысын өткізеді
АСТАНА 18 ақпан. ҚазАқпарат - Осы аптада Премьер-Министр Серік Ахметов «ЭКСПО-2017» халықаралық мамандандырылған көрмесін әзірлеу мен өткізу жөніндегі мемлекеттік комиссияның отырысын өткізеді.

Бұл туралы бүгін Астанада өткен брифингте ҚР Президенті жанындағы Орталық коммуникациялар қызметінің ресми өкілі Алтай Әбибуллаев мәлім етті.
Бұдан бөлек Үкімет басшысы «Халықтық ІРО» мәселелері жөніндегі кеңестің отырысын өткізбек. «Сонымен қатар А. Әбибуллаевтың сөзінше, 21 ақпанда Премьер-Министрдің бірінші орынбасары - Өңірлік даму министрі Бақытжан Сағынтаев Атырау облысына жұмыс сапармен барады.