Үкімет басшысы Испания Корольдігінің делегациясымен кездесті
деп хабарлайды ҚазАқпарат Үкіметтің баспасөз қызметіне сілтеме жасап.
Кездесу барысында Қазақстан мен Испания арасындағы сауда - экономикалық ынтымақтастықты әрі қарай дамытуға қатысты ауқымды мәселелер талқыланды.
М.Моратинос бүгін Астана қаласында өткен экономика және өнеркәсіп саласындағы ынтымақтастық жөніндегі қазақстан-испания үкіметаралық комиссиясының төртінші мәжілісінің қорытындысы бойынша екі елдің арасында стратегиялық әріптестік туралы келісімге, сондай-ақ, екі жақты бірқатар маңызды келісімдерге қол қойылғанын хабарлады.
Ол Испания Қазақстанда ірі инвестициялық жобаларды бірлесіп іске асыруға мүдделі екенін жеткізді.
Кездесу соңында тараптар стратегиялық әріптестік деңгейінде өзара қарым-қатынастарды одан әрі нығайтуға дайын екендіктерін атап өтті.