Үкімет қаңтардағы әлемдегі экономикадағы жағдайға қарап, бюджетті түзету туралы шешім қабылдайтын болады - Премьер-Министр

АСТАНА. Қаңтардың 12-сі. ҚазАқпарат /Ернұр Ақанбай/ - Үкімет қаңтар айындағы әлемдегі экономикадағы жағдайға қарай отырып, бюджетті түзету туралы шешім қабылдайтын болады,

деп хабарлайды ҚазАқпарат.«Біз қаңтар айының ішінде әлемдегі экономикадағы жүйе қалай жұмыс жасап жатқанын сүзгіден өткізіп, соған байланысты еліміздің даму жоспарын да, республикалық және жергілікті бюджетті де түзейтін боламыз. Біз ертең Үкімет отырысында бұл мәселені егжей-тегжейлі талдаймыз», деді бүгін Астанада Ақпараттандыру және байланыс агенттігінің кеңейтілген алқа мәжілісінде Үкімет басшысы Кәрім Мәсімов.Оның айтуынша, мұндай тапсырма Экономика және бюджеттік жоспарлау министрлігіне берілген.