ҰҚК қызметкерінің қаза болуына қатысты қылмыстық іс қозғалды

АСТАНА. KAZINFORM – Астанада Ұлттық қауіпсіздік комитеті қызметкерінің қаза болу фактісіне қатысты қылмыстық іс қозғалды. Бұл туралы елордалық Полиция департаментінің баспасөз қызметі хабарлады.

— Мәйіттің табылу фактісі бойынша қылмыстық іс қозғалды. Алдын ала берілген деректер бойынша 42 жастағы ер адам өз пәтерінің терезесінен құлап кеткен.

Қазіргі уақытта орын алған оқиғаның барлық мән-жайы анықталып жатыр, - делінген хабарламада. 

Еске сала кетейік, бұған дейін Астанада қаласындағы тұрғын үй кешені ауласынан Ұлттық қауіпсіздік комитеті қызметкерінің денесі табылғаны туралы жазған едік.