Үкімет Конституциялық Сот шешімдерінің орындалуын бақылауды күшейтті
АСТАНА. KAZINFORM — 26 наурыздан бастап Қазақстан Республикасының Үкіметі Конституциялық Соттың қорытынды шешімдерінің орындалуына бақылау енгізді. Бұл туралы Конституциялық Соттың баспасөз қызметі мәлім етті.
— Үкімет Регламентіне енгізілген өзгерістер атқарушы органдардың Конституциялық Соттың қорытынды шешімдерін іске асыру үшін бақылаудың нақты тәртібін бекітті, — делінген хабарламада.
Қабылданған тәртіп Әділет министрлігінің норма шығару саласындағы құқықтық сараптама және мониторинг жөніндегі функцияларын ескере отырып, осы жұмысты үйлестіру жөніндегі құзыретін күшейткен.
Сарапшылар атап өткендей, Үкімет тарапынан нормативтік айқындықтың енгізілуі Конституциялық Соттың қорытынды шешімдерін орындаудың орнықты тетігін қалыптастырады, ол нәтижесінде конституциялық заңдылықты нығайтуға ықпал етеді.
Бұған дейін хабарланғандай, Конституциялық сотқа 9 мың азаматтан өтініш түскен.
