Украина Ұлыбританиядан 3,2 миллиард доллар қорғаныс несиесін алады

АСТАНА. KAZINFORM – Украина мен Ұлыбритания Киевтің қорғаныс қажеттіліктеріне 2,6 миллиард фунт стерлинг (3,2 миллиард доллар) көлемінде несие беру туралы келісімге қол қойды. Бұл туралы украиналық ТСН телеарнасы хабарлады, деп жазды ТАСС.

Бұқаралық ақпарат құралдары өзге мәлімет таратпады.

Қазіргі уақытта Владимир Зеленский Лондонда және Ұлыбритания премьер-министрі Кейр Стармермен кездесуде.

Айта кетейік, бұған дейін АҚШ пен Ұлыбритания Париж саммитінде ЖИ декларациясына қол қоюдан бас тартты.