Ұлыбритания Иранның Израильге зымырандық шабуылын айыптады

АСТАНА. KAZINFORM – Ұлыбритания премьер-министрі және сыртқы істер министрі Иранның Израильге зымырандық шабуылын айыптап, тараптарды бұдан әрі шиеленістен аулақ болуға шақырды.

«Мен Иран режимінің осы өте қауіпті жағдайды ушықтыру және аймақты шекараға жақындату үшін жазықсыз израильдіктерге зиян тигізу әрекетін толығымен айыптаймын. Бүгінгі жолдауым – Иранның бұл шабуылын айыптау және Израильдің қауіпсіздік пен өзін-өзі қорғау құқығын айқын мойындау», - деді Ұлыбритания премьер-министрі Кир Стармер сейсенбі күні кешке өткен брифинг барысында. 

Дегенмен, Страмер тағы да барлық тараптарды «қақтығыстың ұлғаюына» жол бермеуге шақырды. 

Стармер Ұлыбритания Израильге көмектесу үшін өзінің әскери әлеуетін пайдалануға дайын ба деген сұраққа жауап бермей, «ақпарат уақытында берілетінін» айтты. 

Өз кезегінде Ұлыбритания Сыртқы істер министрі Дэвид Лэмми де Иранның Израильге зымырандық шабуылдарын айыптап, Иранның алдағы әрекеттері аймақтағы жағдайды нашарлатуы мүмкін екенін ескертті.

«Мен Иранның Израильге жасаған шабуылын қатаң түрде айыптаймын. Бүгін мен Иранды аймақты одан әрі жағаға итермелейтін әрекеттер туралы ескерттім. Эскалация циклы ешкімнің мүддесіне сай емес», - деп жазды Лэмми «X» микроблогында. 

Британдық саясаткерлердің реакциясы Иранның Израиль аумағына жасаған зымырандық шабуылдарынан кейін болды.

Британдық ақпарат құралдарының хабарлауынша, Израильдің орталық және оңтүстігіндегі қалаларға кемінде 180 зымыран атылған.