Ұлыбританияда жасөспірімдер 16 жастан бастап дауыс бере алады

АСТАНА. KAZINFORM — Ұлыбритания үкіметі бейсенбі күні сайлауда дауыс беру жасын 16-ға дейін төмендетуді жоспарлап отырғанын мәлімдеді, деп хабарлайды BBC.

Бұл бастама азаматтарды, әсіресе жастарды, демократиялық процеске кеңінен тартуға бағытталған. Өйткені өткен жылы өткен жалпыұлттық сайлауда сайлаушылардың қатысу деңгейі 59,7% ғана болып, 2001 жылдан бергі ең төмен көрсеткіш тіркелді.

Аталған өзгеріс жаңа Сайлау туралы заң аясында енгізілетін бірқатар шаралардың бір бөлігі болады.

Басқа жаңалықтар қатарында:

дауыс беру үшін қолдануға болатын құжаттар тізіміне Ұлыбританияда берілген банктік карталардың қосылуы, сайлаушыларды автоматты тіркеу жүйесіне көшу, шетелдік араласудың алдын алу мақсатында саяси қайырымдылықтарға қойылатын талаптардың қатаңдауы бар.

Қазіргі уақытта Шотландия мен Уэльсте жергілікті кеңестерге, сондай-ақ шотланд парламенті мен Сенатқа сайлауда дауыс беруге 16 жастан рұқсат етілген. Бірақ ел бойынша басқа сайлауларда тек 18 жастан бастап дауыс беруге болады.

Сайлауда дауыс беру жасын 16-ға дейін төмендету Ұлыбританиядағы сайлау жүйесіне 1969 жылдан бері енгізілетін ең ауқымды өзгеріс болмақ. Ол кезде дауыс беру жасы 21-ден 18-ге дейін төмендетілген еді.

Бұған дейін Түркияда президент сайлауы 2028 жылы өтетіні хабарланған болатын.