Ұлттық банк басшысы «бөліп төлеу» құралының несие пайызы қалай жасыратынын айтты

АСТАНА. KAZINFORM — Ұлттық банк төрағасы Тимур Сүлейменов банктердің «бөліп төлеу» құралы қарыз пайызын қалай жасыратынын өз басынан өткен жағдайдың мысалымен түсіндірді.

— Біздегі тұтыну несиесінің нарығында бөліп төлеу құралының деңгейі жоғары. Бұл жерде несиенің бағасы тауардың бағасына жасырылған. Ол мөлшерлемені былайша көрмейсің. Мөлшерлеме «0» деп көрсетілгенімен, шын мәнінде несиенің құны тауар бағасында жасырынып жатады. Жуықта біз теледидар сатып алдық. Дүкенге бардық та, Sulpak-тың несие рәсімдейтін терезесіне жақындадық. Несие келісімшартына қол қойдық. Мен ол жерде тіпті несиенің пайыздық мөлшерлемесі қандай екеніне қараған да жоқпын. Теледидардың бағасы мен ай сайын қанша төлейтініме ғана қарадым. Яғни, халыққа 24 айға бөлгенде ай сайын қаншадан келетінін әлдеқайда маңызды. Шартты түрде 500 мың теңге тұрады деп есептесек, ай сайынғы төлем 50 мың теңге болады. «Төлей аламын» деп ойладым. Ал астарында қандай мөлшерлеме жатқанына, 20, 21 немесе 22% бола ма, ол жағына қараған жоқпын. Өйткені, ай сайын қанша төлейтініме мән бердім, — дейді ол.

Ұлттық банк басшысы халықтың көбі осындай шешім қабылдауға бейім тұратынын айтады.

— Өкінішке қарай, халықтың көбі осындай факторларға сүйеніп шешім қабылдайды. Бағасы мен айлық төлеміне қарайды. Сондықтан базалық мөлшерлеме мен тұтыну несиесінің мөлшерлемесінің арасындағы құбылу соншалық айқын емес. Бірақ соның өзі Ұлттық банк пен Қаржы нарығын реттеу және дамыту агенттігін тұтыну несиесіне пайыздық мөлшерлеме арқылы емес, макропайыздық шаралар арқылы әсер етуге мәжбүрлейді, — деді ол.

Бүгін ұлттық банк базалық мөлшерлемені көтерген болатын.