ҰЛЫ ОТАН СОҒЫСЫНЫҢ БАТЫРЛАРЫ: Абдолла Үсенов

АСТАНА. ҚазАқпарат - Ұлы Жеңістің 70 жылдығына орай ҚазАқпарат ХАА сұрапыл соғыс жылдарында өз Отанын фашистік басқыншылардан аман алып қалған біртуар батырлар туралы материалдар жариялайды.

Абдолла Үсенов 1924 жылы Түркістан темір жолы стансасы, қазіргі Түркістан қаласында дүниеге келген.

Соғысқа дейін Түркістан вагон жөндеу депосының цех механигі болды.

1942 жылы Қызыл Армия қатарына шақырылды. 112-Рыльск-Коростень атқыштар дивизиясының құрамында Украина жерін жаудан азат ету үшін кескілескен шайқаста асқан ерлік көрсетті. Ол фашистің 8 танкісіне қарсы шығып, оны ілгері бастырмай, ерлікпен қаза тапты (7.12.1943, Украина).

Абдолла Үсеновке Кеңес Одағының Батыры атағы 1944 жылы 24 тамызда берілді.