Ұлытау облысында бірқатар кадрлық тағайындау болды
Ұлытау облысы Әділет департаментінің басшысы болып Лаура Мүсілімқызы Молдажанова тағайындалды.
Л.Молдажанова Павлодар облысы Екібастұз қаласында дүниеге келген. Екі жоғары білімі бар. Еңбек жолын 2006 жылы Астана қаласы Соттар әкімшісінің іс жүргізушісі болып бастаған.
Әр жылы Астана қаласы Соттар әкімшісінің аға сот орындаушысы, ҚР Әділет министрлігі Сот актілерін орындау комитетінің Астана қаласы сот актілерін орындау департаментінің сот орындаушысы, ҚР Әділет министрлігі Сот актілерін орындау комитетінің Астана қаласы сот актілерін орындау департаментінің құқықтық және талдау жұмысы бөлімінің бастығы, департаменттің атқарушылық іс жүргізуді қамтамасыз ету басқармасының бас сарапшысы, ҚР Әділет министрлігінің Сот актілерін орындау бойынша, ҚР Әділет министрлігінің Сот актілерін орындау департаменті мемлекеттік сот орындаушыларының қызметін бақылау және ұйымдастыру басқармасының бас сарапшысы қызметтерін атқарған.
Бұған дейін Әділет министрлігінің Сот актілерін орындау департаменті сот орындаушыларының қызметін бақылау және ұйымдастыру басқармасының басшысы қызметінде болды.
Дулат Рашидұлы Төлегенов Ұлытау облысы Дін істері басқармасының басшысы болып тағайындалды.
Дулат Тулегенов 1990 жылы Сәтбаев қаласында дүниеге келген. Білімі – жоғары. Үйленген, 3 баласы бар.
2017 жылдан бастап Сәтбаев қаласындағы дін орталығының директоры қызметін атқарған. 2019 жылдан бастап Қарағанды облысы Дін істері басқармасы конфессияаралық қатынастар проблемаларын зерттеу және талдау орталығының басшысы қызметінде жұмыс істеді.
2022 жылдан тағайындалғанға дейін Ұлытау облысының қоғамдық даму басқармасы басшысының орынбасары қызметін атқарған.