Үндістанда от фестивалін мерекелеу кезінде 30-дан астам адам зардап шекті
АСТАНА. ҚазАқпарат - Үндістанның оңтүстігіндегі Телангана штатында Дивали от шашу фестивалін мерекелеу кезінде кем дегенде 30 адам көз жарақатын алған.
Зардап шеккендерге офтальмологиялық ауруханада көмек көрсетілді. Ал ауыр жарақат алған алтауына алдағы күндері ота жасалады, деп жазды жұма күні Telangana Today басылымы.
Дивали - үнділердің жарықтың қараңғыны, білімділіктің надандықты, мейірімділіктің рақымсыздықты және үміттің қайғыны жеңетінін білдіретін бас мерекесі. Әлем бойынша ол «От фестивалі» деген атауға ие болған.
