Үндістанда селфи үшін кобраны сүймек болған жасөспірім ажал құшты

АСТАНА. ҚазАқпарат -  Үндістандық Мумбайда зооорталық қызметкері Сомнат Мхатре (Somnath Mhatre) кобра шағып, көз жұмды. Фотоға жыланды сүйіп түспек болған сәтте  оны шағып алған. Бұл туралы Daily Mirror жазды.

18 жастағы  ерікті жыландарға қамқоршы болған, бұдан бұрын 100-ге жуығын құтқарған да. Ол орманнан тауып алған кобраны көлікпен зооорталыққа жеткізбек еді. Әкелген соң бауырымен жорғалаушыны   бетіне  тақап, сипап, сосын селфиге түспекші болған, алайда жылан оның мойнынан шағып алды.

Жасөспірімді дереу ауруханаға жеткізді, дәрігерлер 5 күн оның өмірін сақтап қалу үшін күресті. Соған қарамастан, Мхатре жылан уынан көз жұмды.