14:56, 07 Ақпан 2017 | GMT +5
Универсиада-2017. Қазақстан қоржыны тағы бір қола медальмен толықты
АСТАНА. ҚазАқпарат - Қазақстан қоржыны тағы бір қола медальмен толықты, деп хабарлайды ҚазАқұпарат тілшісі.

Бүгін «Алатау» шаңғы кешенінде өткен сайыста қазақстандық шаңғышы Анна Шевченко 15 шақырымға әйелдер арасындағы шаңғы жарысында үшінші орынды жеңіп алды.
Жалпы есептегі бірінші орынды ресейлік Лилия Василиева (44:09.7) алса, тағы бір ресейлік Анна Нечаевская (44:11.7) екінші сатыға жайғасты. Ал, қола медаль отандасымыз Анна Шевченкоға (44:17.5) бұйырды.
Естеріңізге сала кетейік, бұл жүлде Анна Шевченко үшін Универсиада ойындарында жеңіп алған бесінші жүлде. Бұған дейін спортшымыз екі қола, бір күміс және бір алтын медаль жеңіп алған болатын.