16:36, 26 Қараша 2023 | GMT +5
Үйге қайтпай-ақ қойсам бола ма: Әке-шешесі ұрған 7 жасар қыз астана ауруханасында жатыр
Елордада жеті жасар жеткіншек үйінде таяқ жеп, ауруханаға түсті, деп хабарлайды Kazinform.
Бұл хабарды ҚР бала құқықтары жөніндегі уәкіл Динара Зәкиева Facebook желісінде жеткізді.
Оның айтуынша, кеше тез арада балалар ауруханасына баруға мәжбүр болған.
«Қызды ата-анасы біраз уақыттан бері ұрып-соғып келген. Қазір 7 жасар оқушы ем алып жатыр. Ол „үйге қайтпай-ақ қойсам бола ма?“ деп сұрады», — дейді Динара Зәкиева.
Қыздың денесіндегі жарақатты мектеп мұғалімдері байқап, тез кәмелетке толмағандар ісі жөніндегі инспекторды шақырған.
Отбасында тағы 6 бала бар.
