Ұжымдық қауіпсіздік туралы шарт ұйымы лаңкестік ұйымдардың тізімін кеңейтті

МӘСКЕУ. Мамырдың 8-і. ҚазАқпарат - Ұжымдық қауіпсіздік туралы шарт ұйымының баспасөз хатшысы Виталий Струговец, Ұйым елдері лаңкестік және экстремистік деп қарайтын ұйымдардың тізімі 31-ге жеткенін мәлім етті.

Лаңкестік ұйымдардың бірінші тізімін Ұйым елдері 2004 жылы келіскен болатын. Ол кезде тізімге 22 топ кірген еді. Ұжымдық қауіпсіздік туралы шарт ұйымы, тізімге енгізілген ұйымдардың ішінде "Боз гурд" (көкжалдар), "Мұсылман бауырлар", "Талибан қозғалысы", "Әл-Кайеда", "Исламдық жихад- моджахедтер жамааты", "Орталық Азия моджахедтерінің жамааты» сияқты ұйымдарды ерекше атап көрсетіп отыр, деп хабарлайды ҚазАқпарат «РИА «Новости» агенттігіне сілтеме жасап.