V Азия Пара ойындары: Диас Кенжебек қола медальға қол жеткізді
АСТАНА. KAZINFORM — Қазақстан қоржыны Азия Пара ойындарында тағы бір медальмен толықты, деп хабарлайды Дене мүмкіндіктері шектеулі тұлғаларға арналған спорттық даярлау орталығының баспасөз қызметі.
Бүгін Жапонияның Айти-Нагоя қаласында өтіп жатқан V Азия Пара ойындарында пара жүзуден ерлер арасында S10 клпссы бойынша 100 метрге баттерфляй әдісімен жүзу финалында Қазақстан спортшысы Диас Кенжебек 1:05.50 секунд нәтижесімен қола медаль иеленді.
Осыған дейін отандық пара велошабандоздар Азия ойындарында екі алтын жеңіп алғанын жазғанбыз.
Сонымен қатар Қазақстан Азия Пара ойындарында садақ атудан алғаш рет күміс медаль еншіледі.
Бұдан бөлек, Зарина Райфова Азия Пара ойындарының жеңімпазы атанды.
Ал Жұрқамырза Шүкірбеков алтын медальға қол жеткізді.
