Вьетнамда жұбайының көзіне шөп салғандар айыппұл төлейді

АСТАНА. 14 қараша. ҚазАқпарат - Вьетнам билігі ерлі-зайыптылардың бір-бірінің көзіне шөп салуымен айыппұл төлету арқылы күреспекші. Аталған үкіметтің жарлығы 11-ші қарашадан бастап күшіне енді, деп хабарлады Би-Би-Си.

Аталған құжатқа сәйкес, теріс қимылға барған азаматтар 1 ден 3 миллионға дейін Вьетнам донгы немесе 45-145 доллар мөлшерінде айыппұл төлейді.

Ерлі-зайыптылардың осындай әрекеттерінің зардабы отбасы мүшелеріне тиіп жатса, олар тіпті қылмыстық жауапкершілікке тартылуы да мүмкін.

Кемелеттік жасқа толмаған жанға үйленгендерге 45-тен 145 долларға дейін айыппұл салынады.

Вьетнам немесе шетелдік азаматтығын алу үшін некеге тұрғандар мемлекет қалтасына 10-20 миллион донгқа дейін ірі көлемдегі қаржы құятын болады. Ал ажырасқысы келетін жұптар мемлекетке 20 миллион донгқа дейін айыппұл төлейтіндігі көрсетілген.