Вашингтон зиялылары қазақстандық композитордың классикалық музыкасын тыңдады
АСТАНА. KAZINFORM – Қазақстандық дипломаттар Вашингтондағы халықаралық фортепиано өнері кеңесінің қолдауымен Қазақстанның АҚШ-тағы Елшілігінде «Көктемге прелюдия» классикалық музыка кешін ұйымдастырды.
Іс-шараға АҚШ Мемлекеттік департаментінің, Вашингтонның дипломатиялық корпусының, америкалық сарапшылар қауымдастығының өкілдері, сондай-ақ мәдениет және өнер қайраткерлері қатысты.
Классикалық шығармаларды маэстро, Вашингтон классикалық музыка қоғамының негізін қалаушы, виртуоз пианист Наталья Казарян орындады.
Концерт барысында қонақтарға қазақтың атақты композиторы Нағим Меңдіғалиевтің «Дала» композициясы, сондай-ақ Иоганн Себастьян Бах, Лили Буланжер және Морис Равелдің классикалық музыкасы ұсынылды.
Концерттік бағдарлама алдында сөз сөйлеген Қазақстанның Вашингтондағы Елшісі Ержан Ашықбаев өнер мен музыканы шекарадан өтуге көмектесетін және ортақ құндылықтар мен құрметке негізделген берік қарым-қатынастарды нығайтуға көмектесетін дипломатия құралы екенін атап өтті. Бұл әртүрлі мәдениет пен ұлт өкілдерін біріктіре алатын әмбебап тіл екенін де тілге тиек етті.
Рода Септилиси, Вашингтонның дипломатиялық байланысы бойынша Қазақстан Елшілігінің қызметкерлеріне америкалық және қазақ халқын байытатын классикалық фортепиано музыкасының концертін ұйымдастырғаны және қолдау көрсеткені үшін алғысын білдірді.
- Қазақстанды жақсы көремін. Менің ойымша, қазақ халқы ерекше, кең пейілді, ақкөңіл, адал, шыншыл, ғажап, еңбекке бейім халық. «Қазақ халқын ерекше құрметтеймін және өзімді қазақпын деп есептеймін, - деді Рода Септиличи.
Өз кезегінде мәртебелі қонақ белбеуіндегі көшпенділердің қанжарын көрсетті.
Аталған іс-шара тек музыка мерекесі ғана емес, сонымен қатар Қазақстан мен АҚШ халықтары арасындағы мәдени байланысты нығайтудағы маңызды қадам болды.
