Венесуэланың газ өңдеу зауытында жарылыс болды

АСТАНА. KAZINFORM - Венесуэланың газ өңдеу зауытында жарылыс болып, 3 адам зардап шекті, деп хабарлайды ресейлік Риа Новости агенттігі.

Қуатты жарылыс шығыс Монагас штатындағы венесуэлалық PDVSA компаниясының газ өңдейтін Muscar зауытында болған. Оқиғаның салдарынан кемінде 3 адам зардап шекті.

«Эсекьель-Самора әкімшілік ауданы PDVSA компаниясына тиесілі Muscar зауытындағы жарылыстан соң өрт шықты. Ресми емес мәліметтерге қарағанда, PDVSA клиникасына зардап шеккен үш адам жеткізілген»,-делінген хабарламада.

Жергілікті тұрғындар кемінде бес жарылыс болғанын айтып жатыр, сондай-ақ зауытқа жақын аймақта эвакуация жүргізілді.

Осыған дейін Испания премьер-министрі су тасқынына байланысты 3,7 миллион еуро көлеміндегі көмек бөлетінін айтты.