Владимир Путин Аляскадағы Анкоридж әуежайына барды

АСТАНА. KAZINFORM – Ресей президенті Владимир Путин сағат 21:54-те (Астана уақыты бойынша 23:54) Алясканың Анкоридж қаласында барды. Мұнда жергілікті уақыт бойынша сағат 11:30-да АҚШ президенті Дональд Трамппен екіжақты саммит өткізу жоспарланған, деп хабарлайды ресейлік ТАСС.

Кездесу Элмендорф-Ричардсон «әскери базасында өтеді.

Осыған дейін Ресей президентінің көмекшісі Юрий Ушаковтың хабарлағанындай, саммиттің бағдарламасы бойынша, екі мемлекеттің басшылары көзбе-көз сөйлесіп, артынан делегация мүшелерінің қатысуымен келіссөздер таңғы ас үстінде жалғасады.

Ресей жағынан сыртқы істер министрі Сергей Лавров, президенттің көмекшісі Юрий Ушаков, қорғаныс министрі Андрей Белоусов, қаржы министрі Антон Силуанов пен президенттің шет мемлекеттермен инвестициялық-экономикалық ынтымақтастық жөніндегі арнайы өкілі Кирилл Дмитриев болады.

Алдағы саммиттің уақытша қатаң шектеулері жоқ. Қорытынды бойынша Путин мен Трамп баспасөз қызметінің өкілдерін бірлескен баспасөз-мәслихаты барысында хабардар етеді.

Осыған дейін хабарлағанымыздай, Путин Аляскадағы саммитке дайындық жөнінде кеңес өткізген болатын.