Владислав Саможонов әлем чемпионатында алғашқы қарсыласын айқын басымдықпен жеңді
АСТАНА. KAZINFORM — Бүгін Черногорияның Будва қаласында World Boxing ұйымының U19 санатындағы әлем чемпионаты басталды.
Жарыстың алғашқы күнінде аса ауыр салмақта фавориттердің бірі саналатын Владислав Саможонов 1/8 финалда Хакан Дениз Коскунмен (Түркия) жолы түйісті.
Алғашқы минуттан басымдықты қолға алған отандасымыз раунд сайын қарқынын арттырып, жекпе-жекті өз бақылауына алып, техникалық нокаут тіркеді.
ҚР Бокс федерациясы мәліметінше, төреші 3-раундта айқасты тоқтатып, жеңісті Владислав Саможоновқа берді.
Бұған дейін шорт-тректен әлемдік турдың алғашқы кезеңіне кімдер қатысатынын жазған болатынбыз.
