Волейбол: «Атырау» Алматының «Буревестнигін» ұтты

АСТАНА. KAZINFORM – Талдықорған қаласында волейболдан ерлердің ұлттық лига командалары арасында өтіп жатқан Қазақстан чемпионатының үшінші турында «Атырау» мен «Буревестник» алаңға шықты.

волейбол
Фото: atyrau_vc

Осыған дейін алматылықтар 29 ұпаймен бесінші орында тұрса, атыраулықтар алтыншы сатыда еді.

Бұдан бұрын біріншілік барысында «Атырау» алматылық клубты 3:2 есебімен ұтқан болатын.

Бұл жолы Ислам Жұмабековтің шәкірттеріне үш партия жеткілікті болды – 3:0 (25:17, 25:19, 25:22).

Осылайша, 28 ұпай жинаған атыраулықтар «Буревестникке» (бас бапкері Игорь Никольченко) жақындай түсті.

Үшінші тур қорытындысы бойынша «Атыраудан» ресейлік Иван Никишин, алматылықтардан Орал волейболының түлегі, 41 жастағы либеро Қайрат Байбеков үздік ойыншы атанды.

Еске сала кетейік, бұдан бұрын «Павлодар» клубының «Есілден» айласын асырғанын жазған болатынбыз.

 

Соңғы жаңалықтар