Волейбол: «Атырау» ел чемпионы «Таразды» ұтты

ТАЛДЫҚОРҒАН. KAZINFORM – Талдықорған қаласында волейболдан ерлердің ұлттық лига командалары арасында өтіп жатқан Қазақстан чемпионатының үшінші турында «Атырау» мен «Тараз» кездесті.

волейбол
Фото: «ATYRAU» volleyball club

Осының алдында Юрий Башкатов жаттықтыратын тараздықтар биыл жақсы қарқын алған «Буревестникті» 3:1 есебімен ұтқан еді. Сөйтіп «Тараз» тоғыз жеңіліс сериясын үзгендей болған.

Бұл жолы атыраулықтар камбэк жасап, ел чемпионын тізерлетті – 3:1 (21:25, 25:15, 25:21, 25:23).

Осылайша, 25 ұпай жинаған Ислам Жұмабековтің шәкірттері турнир кестесінде 6-орынға көтерілді.

«Тараз» 20 ұпаймен 7-сатыда қалды.

Еске сала кетейік, бұдан бұрын «Тараздың» Алматының «Буревестнигін» қапы қалдырғанын жазған болатынбыз.

 

 

Соңғы жаңалықтар