Волейбол: «Тұран» қатарынан бес кездесуін жеңіспен түйіндеді

ПЕТРОПАВЛ. KAZINFORM – Петропавл қаласында волейболдан әйелдердің ұлттық лига командалары арасында өтіп жатқан Қазақстан чемпионатының үшінші турында «Тұран» (Түркістан) кезекті жеңісіне қол жеткізді.

Волейбол: «Тұран» қатарынан бес кездесуін жеңіспен түйіндеді
Фото: Қазақстан волейбол федерациясы

Асқар Шалқыбековтің шәкірттері бұл жолы «Алматы» командасын 3:0 (25:15, 25:19, 25:21) есебімен тізе бүктірді.

Осылайша, Петропавлда қатарынан бес ойынын жеңіспен аяқтаған өткен жылғы ел чемпиондары 40 ұпаймен төртінші орынға тұрақтады.

Өткен жылғы кубок пен суперкубок иелері «Жетісу» (Талдықорған) клубы 20 матчтан кейін 56 ұпай жинап, турнир кестесінде көш бастап келеді. Марко Гршич жаттықтыратын талдықорғандықтар бүгін көш соңындағы «Ертісті» 3:0 (25:13, 25:13, 25:14) есебімен ойсырата ұтты.

«Қарағанды» ақтөбеліктерді 3:0 (25:17, 25:23, 25:19) есебімен ұтып, 39 ұпаймен «Тұранды» өкшелеп тұр.

Еске сала кетейік, бұдан бұрын «Жетісу» қатарынан сегіз рет жеңіске жеткенін жазған болатынбыз.

Соңғы жаңалықтар