Волейбол: «Тұран» командасы үшінші турды төртінші орынмен аяқтады

АСТАНА. KAZINFORM – Петропавл қаласында волейболдан әйелдердің ұлттық лига командалары арасында Қазақстан чемпионаты үшінші турының соңғы ойындары өтуде.

волейбол
Фото: vc.turan_women

Өткен жылғы ел чемпионы «Тұран» (Түркістан) турды сәтті өткізді деуге болады.

Асқар Шалқыбековтің шәкірттері бүгін «Грация KZ» командасын 3:0 (25:6, 25:22, 25:15) есебімен ұтты.

Бұл «Тұранның» қатарынан алтыншы жеңісі еді. Осылайша, үшінші тур қорытындысымен түркістандықтар «Қарағандыны» артқа қалдырып, 43 ұпаймен турнир кестесінде төртінші орынға көтерілді.

Осы турда «Тұраннан» Светлана Николаева үздік ойыншы атанды.

Қарағандылықтар «Алматыдан» 3:0 (25:21, 25:18, 26:24) айласын асырғанымен, 42 ұпаймен бесінші сатыда қалды.

Бүгін тартысты кездесу «Ақтөбе» мен «Ару-Астана» арасында болды. Мұнда ақтөбеліктер 3:2 (21:25, 25:21, 20:25, 25:23, 15:12) есебімен басым түсіп, 23 ұпаймен алтыншы орынға жайғасты.

Еске сала кетейік, бұдан бұрын волейболдан өскемендіктердің «Жетісу» командасынан есе қайтара ала ма, соны жазған едік.

 

Соңғы жаңалықтар