Волейболдан Қазақстан чемпионатында «Тараз» қатарынан екінші рет жеңіліп қалды

Оралда волейболдан ерлердің Ұлттық лига командалары арасында ХХХІІ  Қазақстан чемпионатының үшінші туры жалғасып жатыр, деп хабарлайды Kazinform. 

Бұл жолы «Тараз» бен «Буревестник» (Алматы) арасындағы ойын аса тартысты болды.

Алматылықтар 3:2 (27:25, 21:25, 25:22, 22:25, 15:11) есебімен жеңіске жеткенімен, 18 ұпаймен бұрынғыша бесінші орында қалды.

Ел чемпионы «Павлодар» «Ұшқын-Көкшетауды» 3:0 (25:11, 25:17, 25:23) есебімен оңай ұтып, ұпай санын 38-ге жеткізді. «Жайық» «Атырауды» 3:0 (25:23, 25:20, 25:11) есебімен тізе бүктіріп, 30 ұпаймен екінші орынға түсті.

Төртінші сатыдағы «Есіл» (СҚО) «Ақтөбені» қапы қалдырды - 3:0 (25:14, 31:29, 25:14).

Еске сала кетейік, бұдан бұрын Қазақстан чемпионатында «Жайықтың» екінші орынға көтерілгенін жазған болатынбыз.