«Ялла» тобының әншісі қазақ әндерін сүйетінін айтты

ҚАРАҒАНДЫ. ҚазАқпарат - Аңызға айналған «Ялла» тобының әншісі Фарух Закиров Қарағандыда концерт қойған кезінде қазақстандықтарды Наурыз мерекесімен құттықтады.

«Біз ең әсем көктем мерекесі - Наурыз мейрамын өзіміздің бауырларымызбен, қазақстандық достармен қарсы алғанымызға қуаныштымыз. Сіздердің жетістіктеріңізге қуанамыз. Қазақстанда ең ізгі көрермендеріміз бар деп есептейміз. Сіздерге тыныштық пен береке тілеймін», - деді Ф.Закиров.

«Әрқашан да аспанымыз ашық болып, осындай Наурыз сияқты тамаша мерекелеріміз көп болсын, бірге атап өтейік», - деді жеті мемлекеттің-республиканың - Өзбекстанның, Қазақстанның, Қырғызстанның, Түрікменстанның, Тәжікстанның, Ингушетияның, Қарақалпақстанның халық әртісі.

«Ялла» тобы көшбасшысының айтуынша, оған қазақ әндері ұнайды. Қарағандыдағы концертте ансамбль қазақтың халық әні «Қараторғайды» шырқады.