Юлия Путинцева Мадридте әлемнің бесінші ракеткасына жол берді

АСТАНА. ҚазАқпарат - Қазақстандық, әлемнің 51-ракеткасы Юлия Путинцева Мадрид WTA 1000 турнирінің үшінші айналымына шыға алмады, деп хабарлайды ҚазАқпарат тілшісі.

Қазақстандық теннисші екінші айналымда әлемнің 5-ракеткасы, Ролан Гаррос турнирінің екі дүркін чемпионы, франциялық Каролин Гарсиямен шеберлік байқасты.

Бірінші партияда франциялық спортшы брейк жасап, өз пайдасына шешті - 6:3.

Екінші сетте Каролин 3:0 есебімен алға кетті. Юлия есепті 3:4-ке дейін қысқартқанымен, одан әріге шамасы жетпеді - 4:6.

Бір сағат 35 минутқа созылған кездесуде К.Гарсия 18 эйс жасап, 9 брейк-пойнттың үшеуін пайдалана білді. Ю.Путинцева 4 эйс, 1 брейктен (8 брейк-пойнт) аса алмады.

Еске сала кетейік, бұдан бұрын Елена Рыбакинаның жұптық сында Мадрид мастерс турнирінің екінші айналымына шыққанын жазған болатынбыз.