Юниорлар мен жастар арасындағы каратэден Қазақстан чемпионаты рекордты көрсеткішпен аяқталды

АСТАНА. KAZINFORM - Қызылорда қаласында каратэден юниорлар мен жастар арасындағы Қазақстан чемпионаты мәресіне жетті, деп хабарлайды Қазақстан каратэ федерациясының баспасөз қызметі.

Биылғы бәсекеге 16 өңірден 600-ге жуық спортшы жиналып, үздіктерді анықтады. Бұл – осы санаттағы қатысушылар саны жағынан рекордтық көрсеткіш. Сондай-ақ осы чемпионатта алғаш рет қапталдағы төрешілер пульт арқылы ұпай беруге көшті. Осыған дейін бұл процесс жалаушаның көмегімен жүзеге асқан.

Жалпы спортшылар ката және кумите бағдарламасында 3 жас санатында (14-15, 16-17, 18-20) 44 медаль жиынтығын сарапқа салды.

Нәтижесінде Шымкент қаласының командасы 9 алтын, 11 күміс, 11 қола медальмен топ жарды. Екінші сатыда Маңғыстау облысы (6 алтын, 10 күміс, 13 қола). Үздік үштікті Жамбыл облысы түйіндеді (6 алтын, 3 күміс, 11 қола).

Чемпионаттағы қызық деректер (жүлде алған ағайындылар):

Алматы қаласынан қатысқан ағалы-інілі Мұрат (16-17 жас) және Тимур (14-15 жас) Дамитов. Тимур өз санатында кумите бағдарламасында 3-орын алды.

Егіздер Арлан мен Арнұр Мұрат 14-15 жас санатында кумитеде 3-орын алды.

Жамбыл облысы

Нұрсейіт Алмат 14-15 жас -57 кг. 1-орын,

Нұрсейіт Нұрасыл 14-15 жас ком. кумитэ 1,

Астана қаласы

Жаннұр Абдрахман 16-17 жас (-66 кг) 3-орын.

Нұрмұхаммед Абдрахман 16-17 жас (-68 кг) 2-орын

Айбат Алдаберген 14-15 жас.

Перизат Алдаберген 16-17 жас (-59 кг) 1-орын

Максим Москвичев 18-20 жас -75 кг. 2-орын

Ақмола облысы

Кирилл Москвичев 18-20 жас - 60 кг. 3-орын

Қазақстан спортшылары БАӘ-дегі турнирде каратэден 4 алтын алғанын жазған болатынбыз.