Захарова: Ресейдің АҚШ-пен байланысы 13 наурызда басталуы мүмкін
АСТАНА. KAZINFORM - Ресей Сыртқы істер министрлігінің ресми өкілі Ресейдің америкалық тараппен Джиддадағы келіссөздер нәтижесін талқылауға дайын екенін атап өтті, деп хабарлайды ТАСС.
Ресей Сыртқы істер министрлігінің ресми өкілі Мария Захарова брифингте АҚШ пен Украинаның Сауд Арабиясындағы келіссөздерінен кейін Ресейге ешқандай ресми өтініш түспегенін атап өтті.
– Біз 11 наурызда Джиддада өткен АҚШ пен Украина өкілдерінің кездесуін жіті бақылап, қадағалап отырмыз. Жиын қорытындысы бойынша қабылданған, түрлі ойлардан тұратын мәлімдемемен таныстық. Қазіргі уақытта бұл мәселе бойынша бізге ресми өтініш түскен жоқ, - деді Захарова.
– Біз өз тарапымыздан америкалық тараппен алдағы байланыс барысында онда айтылған бастамаларды талқылауға дайын боламыз. Ол тіпті бүгін болуы мүмкәін. Бізде олардың нәтижесі туралы міндетті түрде хабарлаймыз, - деп атап өтті РФ СІМ ресми өкілі.
Бұған дейін Украина президенті кеңсесінің басшысы Андрей Ермак Сауд Арабиясындағы украиналық және америкалық делегациялар арасындағы келіссөздерден кейін журналистерге атысты тоқтату туралы талқылау келесі аптада басталатынын айтқан.
Джиддада АҚШ пен Украина келіссөздері қалай өткені туралы Kazinform агенттігінің мақаласынан оқыңыз.
