Зардап шеккендерге БҚО-дағы мешіт қызметкерлері де қолұшын беруде
Екі күн бойы ҚМДБ-ның БҚО бойынша өкіл имамы Смайыл Сейітбектің басшылығымен қиын жағдайда қалған бауырларға кешкі ас беру шарасы ұйымдастырылды.
-Облыс орталығындағы Жастар мәдениет сарайында және Деркөл ауылындағы мәдениет үйінде екі күн кешкі ас берілді. Бұл екі орынға төрт жүзден астам адам орналастырылған. Біз осылайша олармен бірге екенімізді, қолұшын беруге әрқашан дайын екенімізді білдіргіміз келеді. Бұған дейін облыстық балалар ауруханасында орналасқандарға 250 құты су, басқа да керек-жарақтар апарып бердік. Мешіт қызметкерлері, медресе шәкірттері қауіп төнгеннен бастап адамдарды құтқару, дүние-мүліктерді тасу, бөгеттерді көтеру жұмыстарында жүрді. Біз қолдан келгенше зардап шегушілерге көмегімізді көрсете береміз, - деді Смайыл Сейітбек.