Вэнс Украина президентін АҚШ-қа құрметсіздік танытты деп айыптады

АСТАНА. KAZINFORM - Ақ үйде Украина президенті Владимир Зеленский мен АҚШ президенті Дональд Трамптың кездесуі өтіп жатыр.

Журналистердің айтуынша, Владимир Зеленский, АҚШ вице-президенті Джей Ди Венс пен Дональд Трамп дауласты.

Вэнс Зеленскийді құрметсіздік танытты деп айыптады. Трамп осыдан соң Украина басшысының «Үшінші дүниежүзілік соғыспен ойнап отырғанын» айтты.

- АҚШ-қа келіп, өзіңіздің еліңіздің қирауының алдын алғалы отырған мемлекеттің әкімшілігіне шабуылдауды Сіз құрметке лайықты деп есептейсіз бе?, - деп сұрады Вэнс.

Трамп:

- Сіз қазір ыңғайлы позицияда емессіз, Сіздің көзіріңіз жоқ. Ал бізбен бірге Сізде көзір болады. Сіз миллиондаған адамның өмірін тәуекелге тігіп отырсыз. Сіз үшінші дүниежүзілік соғыстың тұтынуына қауіп тудырып отырсыз -

Кездесудің алғашқы жария бөлігі Трамптың Зеленскийді жеткілікті ризашылық білдірмей отырғанын сынауымен аяқталды.

- Бұл телевизия үшін керемет шоу болатын болды, - деп қосты ол.

Ал УНИАН агенттігі Вэнстің «Сізде адам, ерлер жетіспейді» деген сөзіне назар аударды.

- Сіз келіп, өз көзіңізбен көріңіз, - деп жауап қатты Зеленский.

- Сіз рахмет айтуыңыз керек, қолыңызда қажетті карта жоқ, сіздің әскеріңіз бітуге таяу, - деген Трамп атысты тоқтатуды табанды талап етті.

АҚШ басшысының бұл сөзіне Зеленский өзінің карта ойнау үшін келіп отырмағанын алға тартты.

Осыған дейін Трамп Ресей әскерін шығару мәселесіне қатысты жауап берген еді.