Зеленский Ресеймен әскери тұтқындар алмасқанын растады

АСТАНА. KAZINFORM — Владимир Зеленский Украина Ресей тұтқынында болған 175 адамды қайтарғанын мәлім етті, деп хабарлайды ВВС.

— Тағы 22 отан қорғаушы ауысудан тыс іс-шаралардың арқасында үйлеріне қайтады. Олардың арасында Ресей ойдан шығарылған қылмыстары үшін қудалаған жауынгерлер мен ауыр жарақат алғандар бар, — деп жазды Зеленский.

Сонымен қатар, ол оралған әскери қызметшілердің қатарында — Қарулы Күштердің, Әскери-теңіз күштерінің, Ұлттық гвардияның, аумақтық қорғаныс және шекара қызметі күштерінің сарбаздары, сержанттары мен офицерлері бар екенін атап өтті. Сонымен қоса Зеленский әскерилерді айырбастау кезіндегі делдалдық қызметі үшін Біріккен Араб Әмірліктеріне алғыс айтты.

Бұған дейін 175-ке 175 формуласы бойынша айырбастау туралы Ресей Қорғаныс министрлігі де хабарлаған еді.

Еске салсақ, сейсенбіде Ресей мен АҚШ басшылары телефон арқылы сөйлесті. Тараптар Украинада «барлық энергетикалық және инфрақұрылымдық мәселелер бойынша атысты дереу тоқтату» туралы келісті.

Бұл ретте Қасым-Жомарт Тоқаев АҚШ пен Ресей президенттері келіссөзінің қорытындысын құптайтынын жеткізді.