Зеленский Украина 2 маусымда Ыстанбұлда өтетін келіссөздерге қатысатынын растады

АСТАНА. KAZINFORM — Делегацияны Қорғаныс министрі Умеров басқарады, деп жазды BBC агенттігі.

Владимир Зеленский Украина өз делегациясын 2 маусым, дүйсенбі күні Ыстанбұлда өтетін Ресей мен Украина арасындағы келіссөздерге жіберетінін растады.

Делегацияны Украина Қорғаныс министрі Рустем Умеров басқарады. Ол сондай-ақ мамыр айының басында өткен алғашқы келіссөздер раунды кезінде украин тарапынан келіссөз жүргізген топты басқарған болатын.

Зеленский украин делегациясының келіссөздердегі міндеттерін былайша сипаттады:

— Бірінші — толық және сөзсіз атысты тоқтату. Екінші — тұтқындарды босату. Үшінші — ұрланған балаларды қайтару. Ал тұрақты әрі ұзақ мерзімді бейбітшілік орнату және қауіпсіздікті қамтамасыз ету үшін — жоғары деңгейдегі кездесуге дайындық жүргізу. Негізгі мәселелерді тек көшбасшылар шешуі мүмкін, — деді Зеленский.

Бұған дейін хабарланғандай, Ресей мен Украина арасындағы келіссөздер 2 маусым күнге жоспарланды.