Зейнеп Сұлтанбек Батыс Азия шахмат чемпионатының абсолютті чемпионы атанды

Зейнеп Сұлтанбек шахматтан қыздар арасындағы Батыс Азия чемпионатының (Коломбо, Шри-Ланка) абсолютті чемпионы атанды, деп хабарлайды Kazinform. 

Сүйінші хабарды Қазақстан шахмат федерациясы жеткізді.

Түркістан облысының шахматшысы жылдам шахмат чемпионатында қарсыластарынан басым түсіп, классикалық турнирде жеңіске жетті.

Ал финалда блицте үздік атанды.

Нәтижесінде – үш алтын медаль! 

Ұлдар сайысында Қазақстан намысын астаналық шахматшы Әлішер Мажкенов қорғады.

Классикалық турнирде Әлішер соңғы раундта жеңіске дәлдеді, бірақ, өкінішке орай, үш жеңімпазға бір ұпай ғана есе жіберіп, жетінші орынға жайғасты.

Қазақстандық шахматшы блицте төртінші орынға ие болды.