Зейнолла Ыдырысов спорттық гимнастикадан әлем кубогы кезеңінің жүлдесіне ілікті

АСТАНА. KAZINFORM — Спорттық гимнастикадан Мысырда өтіп жатқан биылғы алғашқы әлем кубогы кезеңінде қазақстандық Зейнолла Ыдырысов қола жүлдеге ие болды.

зейнолла ыдырысов
Фото: видеодан алынған кадр

Спортты дамыту дирекциясынан мәлім еткендей, Зейнолла Ыдырысов ат снарядындағы жаттығудан үздік үштікке ілікті.

Бұл — оның ересектер арасындағы алғашқы жүлдесі еді. 

Иорданиялық Ахмад Әбу Әл Соуд 15.070 ұпаймен чемпион атанса, кореялық Вунг Хур (14.930 ұпай) күміс жүлдеге қол жеткізді. З.Ыдырысовтың еншісінде 14.800 ұпай бар. 

Тағы бір қазақстандық Нариман Құрбанов 14.030 ұпаймен бесінші орынға табан тіреді.

Айта кетейік, Зейнолла Ыдырысов 2023 жылы жасөспірімдер арасындағы әлем чемпионатында 3-орынға тұрақтап, тарихи медаль алған болатын.

 

Соңғы жаңалықтар