Ж. Әбділдин: «Нұрлы жол» - қа­зақстандық Тәуелсіздікті тұлға­лан­дырудың жаңа биігі

АСТАНА. ҚазАқпарат - Қазақстан Тәуелсіздігі Пре­зидент Нұрсұлтан Назар­баевтың тарихи көшбас­шылығымен мәң­гілік және ажырамастай байланыс­та қарас­тырылатындығы анық. Біз­дің егемендігімізді қазіргі дамуы­мыздағы үш негізгі бағытқа бөліп қарастыруға болады. Бұндай пікірді Ұлттық ғылым академиясының академигі, Мемлекеттік сыйлықтың лауреаты Жабайхан Әбділдин айтты.

Бірінші - Қазақстан хал­қының ғасырлық құнды­лықтары мен жаңа жетістіктерін бекіту.

1991 жылдың 16 желтоқсанында біздің еліміз өзінің көптен күткен мемлекеттік Тәуелсіздігіне ие болды. Бұл біздің халқымыздың барлық ұрпақтары армандап келген ұлы бақытты сәт еді. Бізге осынау ерекше оқиғаны жүзеге асыру бақыты бұйырды.

Тәуелсіздік жағдайындағы Қазақстан халқы қысқа тарихи мерзімде өзінің уақыт мойынға жүктеген тағдырлы міндеттерді жүзеге асыруға қабілетті екендігін көрсете алды. Президент Нұрсұлтан Назарбаевтың көшбасшылығымен халқымыз нарық экономикасын, қуатты мемлекетті құрды. Елбасының әрдайым атап көрсететініндей, бейбітшілік пен келісім - біздің дамуымыздың басым бағыты болып табылады.

Қазақстан Тәуелсіздік жылдарында халық­аралық қатынастардың субъектісіне айналып, БҰҰ, ЕҚЫҰ және басқа да беделді ха­лықаралық ұйымдардың мүшесі болды. Еліміз көп қырлы сыртқы саясатты жүзеге асыруда. Біз халықаралық шарттарды әрдайым тұрақты орындап келеміз. Мемлекетіміздің, біздің Көшбасшымыздың халықаралық беделі тұрақты түрде өсу үстінде. Қазақстанның ЕҚЫҰ-ға төрағалық етіп, 2010 жылы Астанада оның маңызды Саммитін өткізуі, 2017 жылы өтетін халықаралық ЭКСПО көрмесін өткізу құқығына ие болуы - осының үлкен дәлелі. Біз өзіміздің рухани мәдениетімізге, тарихымызға және дінімізге жаңа қырынан қарай бастадық. Қазіргізамандық Қазақстан әлемдегі ашық та сыйлы мемлекеттердің біріне айналды.

Екінші - Мәңгілік Ел ұлттық идеясын айшықтандыру мен «Қазақстан-2050» Стратегиясын жүзеге асыру.

Қазақстан - табысты дамып келе жатқан мемлекет. Оның мақсат-мұраттары болашаққа бағытталған. Осыған орай, Президент Нұр­сұлтан Назарбаев «Мәңгілік Ел» аса маңызды ұлттық идеясын ұсынып, сонымен қатар, біздің елімізді әлемдегі ең дамыған 30 мемлекеттің қатарына қосу міндетін алға қойды.

Президенттің түсіндіруі бойынша идея дегеніміз - Қазақстан мемлекеттілігінің бола­шаққа бағытталған жолдарын айқындайтын үлкен мәселе. Тек дамыған, еркін мемлекет қана өзін кездейсоқ қиын­дық­тардан қорғау мүмкіндігіне ие бола алады.

Мәңгілік Ел идеясы мен «Қазақстан-2050» Стратегиясы - мазмұнды және ғылыми тұрғыда негізделген еңбектер. Өйткені, талдау олардың біздің халқымыздың негізгі арманы ғана емес екендігін, олар Қазақстанның соңғы 23 жылда басып өткен даму жолдары мен қол жеткізген мүмкіндіктеріне негізделгендігін көрсетіп отыр. Қазақстан қазіргі күні алдыңғы қатарлы нарық экономикасы қалыптасқан, тұрақты саяси жүйесі бар, мәдениеті дамыған елге айналды.

Қазіргі уақыттағы дамыған елдер тәжірибесі Қазақстанның болашақта әлемнің ең алдыңғы қатарлы елдерінің қатарына кіре алатындығын дәлелдеуде. Әрине, ол үшін экономикамызды, ғылымымызды, адамдық ресурстарымызды, мәдениетімізді қайта жаңғыртуымыз қажет. Еліміз міне, осы жолда келеді. Сондықтан да, өзіміздің ресурстарымыз бен әлеуетімізге сүйеніп, қарыштап дамып келеміз. Алға қойған мақсаттарға жетудің, әлемнің алдыңғы қатарлы елдерінің арасынан лайықты орын алудың нақты мүмкіндіктері күн өткен сайын қалыптасу үстінде.

Осындай өршіл міндеттерді шешу кезінде идеяның өмірде қалайша жүзеге асатындығы ерекше мәнге ие болады. Сондықтан «Қазақстан-2050» Стратегиясында бұл идеяны жүзеге асыруға ықпал ететін негізгі тетіктер мен амалдарға үлкен назар аударылған.

Үшінші - «Нұрлы жол» - қа­зақстандық Тәуелсіздікті тұлға­лан­дырудың жаңа биігі.

Жалғасып келе жатқан жаһан­дық қаржы-экономикалық, геосаяси дағдарыс, мемлекетаралық қатынастардың күрделенуі жағ­дайында қосымша қатерлер, жаңа жаһандық сынақтар бүкіл әлемнің алдында пайда болып, олар біздің дамуымызға да көлеңкесін түсіруде. Бұл қиындықтарды еңсеруіміз қажет.

Міне, сондықтан да Қазақстанның әлемнің алдыңғы қатарлы 30 елінің қатарына қосылу міндетін жүзеге асырудың маңызды кезеңі ретінде Президент өзінің халыққа арнаған Жолдауында «Нұрлы жол - болашаққа бас­тар жол» атты Жаңа Экономикалық Саясатын ұсынды.

Егер Президент өзінің бұрынғы Жол­дауында өндірісті жаңартуға, өнеркәсіпті да­мытуға, өндіріс пен ауыл шаруашылығында ғылымды қолдануға басты назар аудартса, соңғы Жолдауында біздің экономикалық дамуы­мыздың жаңадан пайда болған сыртқы тәуекелдерін ескере отырып, жаңа кең көлемді эконо­микалық бағдарламаны дайындатты. «Нұрлы Жол» аталатын бұл бағдарламада эконо­миканың өсіміне неғұрлым мол мультип­ли­кативтік тиімдіктер беретін салаларды қол­дау арқылы экономикалық саясатты қайыра ба­ғыт­тауға, құрылымдық реформаларды жал­ғас­тыруға мән берілген.

Президенттің тапсырмасы бойынша Ұлт­тық қорда шоғырланған қаражаттан 2017 жылға дейін әр жыл сайын 3 миллиард доллар экономикалық қиындықтарды еңсеру және экономикалық өсімді қамтамасыз ету мақ­сатында бөлініп отырмақ. Бұл ресурстар көлік-логистикалық, энергетикалық, индус­триялық, әлеуметтік-инфрақұрылымдық да­муға, тұрғын үй инфрақұрылымдарын, су және жылу жүйелерін нығайтуға, шағын және орта бизнесті қолдауға бағытталатын болады.

Инфрақұрылымдық дамудың бес жылға есептелген жоспары - Жаңа Экономикалық Саясаттың өзегіне айналды. Осы арқылы тек жол салудың есебінен ғана 200 мың жұмыс орны құрылады. Бұл өз кезегінде, халықтың жұмыспен қамтылуын және табысының өсуін қамтамасыз етеді. Астанадан еліміздің өңір­леріне автокөлік, теміржол және әуе магис­траль­дары тарайтындай көлік желісі қалып­тасуы тиіс.

Жаңа инфрақұрылым біздің экономикамыз бен қоғамымызды жаңартады. Еліміздің барлық түкпірлерін орталықпен тығыз байланыстыратын болады. Жүк ағымы жеделдей және молая түседі. Транзит көлемі артады. Әлеуметтік ықшамдылық жақсарады. Осының бәрі ақыр аяғында әрбір қазақстандықтың тұрмысының жақсарып, өмір сапасының артуына қызмет етеді.

Президент қазақстандықтарды үлкен де жауапты жұмыс күтіп тұрғандығын атап көр­сетті. Қазақстан халқы шыңдалудың жаһан­дық сынағынан өтуге тиіс. Осы үшін біз бірлі­гімізді арттырып, өзіміздің қол жеткізген жал­пы­халықтық жетістігіміз - бейбітшілік пен келі­сімді нығайта түсуіміз және оны әрдайым қор­ғай білуіміз қажет.

Сонымен бүтіндей алғанда, «Нұрлы Жол» бағдарламасын жүзеге асыру жаңа бір кезең­ді білдіреді. Біздің алдымыздан технологиялық, әлеуметтік және мәдени прогрестің Қазақ­стан­ның Тәуелсіздік тарихындағы жаңа кезеңнің бетін ашады.

ХХІ ғасырдың екінші онжылдығы күрделі, қарама-қайшылықты болатындығы байқалуда. Сондықтан да, біздің бәрімізге Елбасы саясаты - бейбіт өмір, келісім, тұрақтылық сая­саты аясында бірігу керек. Тек Президент таң­дап алған бағытты бекем ұстау ғана біздің табыс­тарымыздың және қазақстандықтардың болашақ ұрпақтары табысының кепілі бола алады, деп жазады «Егемен Қазақстан» газеті.