Жағажайда көлігімен су кешіп, «шоу» жасаған жүргізуші жауапқа тартылды

СЕМЕЙ.KAZINFORM — Семейде Range Rover көлігінің жүргізушісі жағажайдағы суды кешіп өтіп, «шоу» жасаған.

ІІМ баспасөз қызметінің мәліметінше, жүргізушінің әрекеті видеоға түсіп қалып, әлеуметтік желілерде тез тарады.

Көп ұзамай тәртіп бұзушы анықталып, жауапкершілікке тартылды.

– Полиция қызметкерлері жол жүру ережелерін бұзбауға, әсіресе, халық демалатын орындарда, қауіпсіздікке қатер төндіріп, қоршаған ортаға зиян келтірмеуге шақырады. Мұндай әрекеттерге жол берілмейді, - делінген хабарламада.

Бұған дейін қазақстандықтар халықаралық жүргізуші куәлігін қайдан және қалай ала алатынын жазған болатынбыз.