Жағажайдағы Азия ойындары: Қазақстан күрестен жүлдесіз қалды
АСТАНА. KAZINFORM – Қазақстанның ұлттық құрамасы жағажай күресінен Қытайдың Санья қаласында өтіп жатқан 2026 жылғы Азия ойындарында жарысты аяқтады.
Қазақстан атынан үш спортшы жүлде үшін сынға түскенімен, олардың ешқайсысы медальға қол жеткізе алмады.
80 келіге дейінгі салмақта Ермахан Көшкінбаев қола жүлде үшін өткен кездесуде қытайлық Фэн Луқа қарсы 0:2 есебімен жеңілді.
Әйелдер арасында 70 келіге дейінгі салмақта Бейбіт Сейдуәлі қола жүлде үшін үндістандық Джасприт Каурмен кездесіп, 0:1 есебімен жеңілді.
70 келіден жоғары салмақта өнер көрсеткен Алина Ертөстік те қола жүлде үшін өткен белдесуде қытайлық Ли Вэньцзиге 0:1 есебімен жол берді.
Айта кету керек, бұған дейін 29 сәуірде Қазақстанның су добынан жағажай құрамасы Азия ойындарының қола жүлдесін иеленген болатын.
