Жамбыл Ахметбековтің сайлауалды тұғырнамасы шықты

НҰР-СҰЛТАН. ҚазАқпарат - ҚР Президенттігіне кандидат Жамбыл Ахметбеков ресми сайтында сайлауалды тұғырнамасын жария етті, деп хабарлайды ҚазАқпарат.

ҚР кезектен тыс Президент сайлауына Қазақстан Коммунистік Халық партиясы атынан ұсынылған кандидат Жамбыл Ахметбековтың сайлауалды тұғырнамасы басты 5 бағыттан тұрады. Олар: «Батыстың ықпалы мен жалған құндылықтарынан бас тарту», «Барлық қашқын олигархтарды сотқа тарту», «Кедейлікпен күрес», «Көрші елдермен экономикалық интеграция», «Әділетті салық салуды енгізу» деп аталады. Олар елдің әлеуметтік-экономикалық даму бағыты мен ішкі және сыртқы саясатқа қатысты мәселелерді қамтиды.

Айта кетейік, ҚР кезектен тыс Президент сайлауы 2019 жылдың 9 маусымына тағайындалған.

Кеше кешкі сағат 18:00-ден кейін Қазақстанда сайлау алдындағы үгіт-насихат шаралары басталды.