Жамбыл облысында 58 жастағы әйелді көлік қағып кетті

ТАРАЗ. ҚазАқпарат - Жамбыл облысында 58 жастағы әйелді көлік қағып кетті. Әйел оқиға болған жерде жантәсілім етті, деп хабарлайды ҚазАқпарат Жамбыл облыстық Полиция департаментінің Facebook-тегі парақшасына сілтема жасап.

«Ағымдағы жылдың 25 шілдесінде Тараз қаласының Жамбыл даңғылы бойында «Volvo» маркалы жүк көлігінің жүргізушісі жаяу жүргіншіні қағып кетіп, 58 жастағы әйел оқиға орнында қаза тапты. Автокөліктің жүргізушісі анықталып, ұсталды. Оқиға орнында полиция қызметкерлері тексеру амалдарын жүргізуде, тиіс сараптамалар тағайындалды»,-делінген хабарламада.

Сондай-ақ онда оы оқиға бойынша Қылмыстық Кодекстің 345-бабы, 3-бөлігі бойынша сотқа дейінгі тергеу басталды.

Іс Жамбыл облысы Полиция департаменті басшылығының бақылауында.