Жамбыл облысында салынып жатқан шикі мұнай өңдеу зауытында құрал-жабдықтарды құрастыру басталды

ЖАМБЫЛ ОБЛЫСЫ. Ақпанның 27-сі. ҚазАқпарат /Галина Скрипник/ - Жамбыл облысының Асы ауылында салынып жатқан шикі мұнай өңдеу зауытында құрал-жабдықтарды құрастыру басталды.

«Шикі мұнай өңдеу зауытының жобасын іске асыруды «Амангелді газ өңдеу зауыты» ЖШС жүзеге асыруда, - деді Жамбыл ауданының әкімі Махамбет Дүйсебаев.- Кәсіпорынның жобалық құны - жылына 200 мың тонна мұнай өнімдері, жобаның жалпы құны - 1,62 млрд. теңге».

Келешекте зауытта тәулігіне АИ-80 маркалы бензинді - жүз тоннаға дейін, керосинді - 60 тоннаға дейін, дизель отынын - 120 тоннаға дейін, мазутты 270 тоннаға дейін шығару жоспарланған.

Қазіргі уақытта, құрылыс жүргізіліп жатқан сәтте, мұнда жергілікті кадрлардың ішінен 44 жұмысшы еңбек етуде, пайдалану кезеңінде 100 жұмыс орыны құрылатын болады.