15:45, 12 Мамыр 2012 | GMT +5
Жамбыл облысында төрт айда 199 жол-көлік апаты тіркелді, оларда 47 адам қаза тапты
ТАРАЗ. 12 мамыр. ҚазАқпарат - Жамбыл облысында 2012 жылдың төрт айында 199 жол-көлік апаты тіркелді, оларда 47 адам көз жұмып, 285-і жарақаттанды, деп хабарланды облыстық ІІД жол полициясы басқармасының баспасөз қызметінен.

Жол-көлік апаттарына жасалған талдау көрсеткендей, өңірде тіркелген жол апаттарының 21 пайызы жылдамдықты асыру себептерінен болды (41 апат, 14 адам көз жұмды, 51-і жарақаттанды), жол апаттарының 19 пайызына көліктің жолдың қарсы бағытына шығып кетуі себеп болды.
Жол қозғалыс қауіпсіздігін қамтамасыз ету бойынша жұмыс жалғасуда және де облыстық ІІД ІІБ басшылығының бақылауында, деп хабарланды ведомстводан.