Жамбыл облысында ҰБТ-дағы орташа балл - 78,5

ТАРАЗ. ҚазАқпарат - Жамбыл облысы мектептерінің 5683 түлегі ҰБТ тапсырды.

Облыстық білім басқармасында атап өткендей, өңірде ешбір түлек 125 балл жия алмаған.

Бүгінде облыс бойынша ҰБТ орташа балл - 78,5. 208 «Алтын белгіге» үміткер 208 үміткердің - 56%, үздік аттестатқа үміткер  71 түлектің   38% білімін дәлелдей алды.

Білім басқармасындағылардың айтуынша, үш жамбылдық 124 ұпайдан жинай алды. Бұл Жуалы ауданындағы  Орджоникидзе атындағы мектеп-гимназиясының екі түлегі мен Тараз қ.  № 45 қазақ  классикалық гимназиясының түлегі.

2015 - 2016 оқу жылы өңірдегі 316 жалпы білім беру мектебінде 8561 оқушы оқыды.

Аудандарда ҰБТ өткізу үшін бюджеттен 16,9 млн. теңге бөлінді.