Жамбыл облысындағы Ақермен кентіне табиғи газ келді

ТАРАЗ. ҚазАқпарат -Меркі ауданына жұмыс сапарымен барған Жамбыл облысының әкімі Кәрім Көкірекбаев Ақермен ауылына табиғи газ қосу рәсіміне қатысты, деп хабарлады өңір басшысының баспасөз қызметі.

К. Көкірекбаев Ақермен селолық округіндегі басты газ тарату пунктінің ашылуына қатысты. «Мұнда 2410 адам тұрады. Бұл көптен күткен маңызды оқиға», - деген әкім газификацияның әлеуметтік маңыздылығын атап өтті.

Газ құбырының ұзындығы - 9,2 км, жобалық құны 278 млн. теңгені құрайды. Құрылыс мердігері «Ақбарыс Строй ЛТД».

«Аймақты газификациялау аясында 40%, немесе 377 елді мекеннің 150 газбен қамтылған. Бұл шамамен Жамбыл облысындағы миллиондаған тұрғынның 65%», - деді К. Көкірекбаев.

Сонымен қатар облыс басшысы бірқатар жаңадан ашылған білім беру нысандарының жұмысымен танысты. Алдымен Т.Рысқұлов ауылдық округіндегі № 7 орта мектепте болды. Аталған білім мекемесі ағымдағы жылдың жаңа оқу жылында пайдалануға берілді. Жобалық құны 700,3 млн. теңгені құрайды. 300 орындық мектеп заманауи жабдықпен қамтылған.