Жәмила Бақбергенова жүлдеге бір қадам қалғанда сүрінді
АСТАНА. KAZINFORM — Қазақстандық балуан Жәмила Бақбергенова Астанада өтіп жатқан күрестен әлем чемпионатындағы жарысын аяқтады. Бұл туралы ҰОК мәлім етті.
Отандасымыз 72 келіге дейінгі салмақтың қола медалі үшін Жапония өкілі Махиро Ешитакемен күш сынасты. Белдесу 6:4 есебімен жапониялық балуанның пайдасына аяқталды.
Осылайша, Жәмила Бақбергенова елордада өткен әлем чемпионатында бесінші орынға тұрақтады.
Айта кетейік, қазақстандық балуанның еншісінде әлем чемпионатының үш күмісі және бір қола медалі бар.
Айта кетейік, балуан Алтын Шагаева әлем чемпионатының жартылай финалына шыққанын жаздық.
