Жаңа білім беру үдерісінде Қазақстан мен Ресейге бірыңғай стандарт жасаудың маңызы өте зор ? Ресейдің Бас консулы

АЛМАТЫ. Сәуірдің 30-ы. ҚазАқпарат /Ерлік Ержанұлы/ - «Жаңа білім беру үдерісінде Қазақстан мен Ресейге бірыңғай стандарт жасаудың маңызы өте зор». Бүгін Алматыда өтіп жатқан «Қазақстан экономикасының бәсекеге қабілеттілігі ретінде жоғары білімді жетілдіру» деп аталатын халықаралық ғылыми-тәжірибелік конференцияда осындай пікір білдірілді,

деп хабарлайды ҚазАқпарат. «Болашақ ? білімде. Бүгін мұнда стандарттар туралы көп айтылды. Бізге жаңа білім беру үдерісінде сіздермен бірге бірыңғай стандарт жасаудың маңызы өте зор. Ол бұл міндетті шешуде кадр дайындауға көмектеседі. Ресей мен Қазақстанның жоғары оқу орындарының ынтымақтастық үдерісінің тәжірибесі Халықаралық бизнес академиясы, Тұрар Рысқұлов атындағы Қазақ экономика университеті және Абай атындағы Қазақ ұлттық педагогикалық университеті базасында жүріп жатыр. Бұл екіжақты аяда шектелмеген», - деді мәслихатта Ресейдің Бас консулы Борис Мещянинов. Оның айтуынша, технология мен тәжірибелік бағдарламаны қолдану өзге жоғары оқу орындары өкілдерінің қатысуымен де жүріп жатыр. Ал «Қазақстан мен Ресей елдері жоғары білім беруді жетілдіруде дұрыс жолда».