Жаңа кино апталығы: көрермендерді қандай премьералар күтеді
АСТАНА. KAZINFORM — Жаңа кино апталығының басталуымен бірге отандық және шетелдік прокатта бірқатар қызықты премьера ұсынылып жатыр. Kazinform назар аударуға тұрарлық фильмдерді саралап шықты.
«Балерина»
Америкалық боевик-триллер фильмі, «Джон Уик» франшизасының спин-офы. Режиссері — Лен Уайзман және басты рөлді Ана де Армас сомдайды. Оқиғалар «Джон Уиктің» үшінші және төртінші бөлімдерінің арасында өтеді. Басты кейіпкер Ева Макарро бала кезінде әкесінің өлтірілгеніне куә болған. Кек алмақ болған ол «Руска Рома» қылмыстық ұйымына қосылып, онда директордың (Анжелика Хьюстон) жетекшілігімен балет пен кісі өлтіру өнерін біріктіретін жаттығулардан өтіп, элиталық өлтірушіге айналады.
«Алтын Адам»
Қазақстандық анимациялық фильм ежелгі сақтардың киелі тарихын, тұрмыс-тіршілігін, мәдениетін, әскери шеберлігін баяндайды. Бас кейіпкер — Аңқыл есімді жас жауынгер Өмір отын іздеп Хан Тәңірінің шыңына аттанады. Осы жолда ол шынайы достар тауып, қауіп-қатерді жеңіп, сақ еліне төнген зұлымдықты жеңеді. Аңқылдың оқиғасы — жас көрермендерге батылдықтың, ерліктің, қайсарлықтың үлгісі.
«Менің анам — сиқыршы»
Аналық махаббат пен ғажайыптарға деген сенім туралы әсерлі және шабыттандыратын оқиға. Алты баланың анасы баласының ешқашан жүрмейтінін біледі. Алайда ол қайғыға берілмей, оның өмірін қуаныш пен үмітке толы сиқырлы шытырман оқиғаға айналдырады.
«Нэчжа Айдаһарлар патшасын жеңеді»
Айдаһарлар патшасы мен оның әскерімен соғысып жатқан жын бала Нэчжа мен оның досы туралы анимациялық фильм. Алайда олар найзағай соққаннан кейін рухқа айналады. Оларды физикалық әлемге тек Қасиетті Лотос қайтара алады.
«Бұл. Жаңа тарау»?
Қорқынышты фильм. Психотерапевт Синтия Уинстонның санадан тыс тереңдікке ену ерекше қабілеті бар. Бір күні одан қорқып кеткен 14 жасар Райли көмек сұрайды. Синтия қызға бір зұлым болмыстың жабысып алғанын бірден байқайды. Ол араласпауды шешеді, бірақ оның қызы Джордан, керісінше, көмектескісі келеді. Райлидің үйіне кіргеннен кейін Джордан жертөледе азапталған, байланған әйелді табады.
«Біртүрлі дыбыстар»
Байқауға әңгіме жазуға бел буған жас жазушы туралы оңтүстіккореялық триллер. Көрші пәтерден шыққан оғаш дыбыстар ол үшін шабытқа айналады. Бойжеткен тұрғындарға тыңшылық жасай бастайды, көп ұзамай оның бақылауы алаңдатарлық және күтпеген жаңалықтарға әкеледі.
«Дуа. Іштегі жын»
Әкесінің жұмбақ өлімінен кейін Каролина анасы және мұғалімдерімен жанжалдаса бастайды. Ол өзінің агрессиясы мен оғаш әрекеттерінен қорқады. Денесінен жұмбақ таңбаны байқаған ол ішіне ежелгі мысырлық жын қоныстанған деп күдіктенеді. Өзін бақылауға алу және әкесінің өлімі туралы шындықты білу үшін Каролина қауіпті рәсімнен өтуі керек.
«Ганзель мен Гретель: «Ұйқыдағы ару» миссиясы»
Супер агент Гретель және оның айлакер ағасы Ганзель туралы ресейлік анимациялық сиквел. Олар Ханшайымды сиқырлы ұйқыға түсірген кім және неге екенін анықтауы керек. Кейіпкерлер жаңа одақтасы — асыл ханзада Рагнармен бірге сиқырлы әлем арқылы қызықты шытырман оқиғаға аттанады.
Бұған дейін Алматыда 100-ге жуық киножобаның ашық қорғауы өтетіні белгілі болды.
