08:45, 16 Ақпан 2016 | GMT +5
Жаңа Зеландия жағалауында 6,2 балдық жер сілкінісі болды
АСТАНА. ҚазАқпарат - Жаңа Зеландия жағалауында 6,2 балдық жер сілкінісі болды, деп хабарлады АҚШ геологиялық қызметі.

Жер асты дүмпулері Окленд елсіз аралынан солтүстік-шығысқа қарай 219 шақырым жерде Астана уақытымен 01:28-де (22.28 мск) тіркелді. Ошағы он шақырым тереңдікте орналасқан.
Бұдан бұрын Жаңа Зеландияның Крайстчерч қаласына жақын жерде 30 шақты дүмпу тіркелгені хабарланған.
Шығын көлемі туралы ақпарат келіп түскен жоқ.